Ազոոսպերմիա - դա վիճակ է, որի դեպքում տղամարդու էյակուլատում բացակայում են սպերմատոզոիդները։ Այն ախտորոշվում է մոտ 5% տղամարդկանց մոտ, ովքեր դիմում են անպտղության բուժման համար։ Կախված պատճառներից, ազոոսպերմիան ունի երկու հիմնական տեսակ՝

• Օբստրուկտիվ (էկսկրետորային) – երբ սպերմատոզոիդները արտադրվում են, բայց չեն մտնում էյակուլատ, քանի որ սերմնատար ուղիները փակ են։
• Ոչ օբստրուկտիվ– կապված է սպերմատոգենեզի խանգարման հետ։

Ամորձու բիոպսիան ախտորոշիչ և բուժական մեթոդ է, որը թույլ է տալիս ստանալ ամորձու կամ մակամորձու հյուսվածք՝ սպերմատոզոիդներ որոնելու համար։ Այն համարվում է ազոոսպերմիայի ժամանակ սպերմատոզոիդներ ստանալու հիմնական մեթոդը, որոնք հետագայում օգտագործվում են ՎՕՏ (վերարտադրողական օժանդակ տեխնոլոգիաներ), օրինակ՝ ԱՄԲ+ ԻՔՍԻ(արտամարմնային բեղմնավորում՝ սպերմատոզոիդի ներարկումով) ծրագրերում։

Ինչու՞ ընտրել «Վիտրոմեդ» կլինիկան

«Վիտրոմեդ»-ում ստեղծվել են բոլոր տեսակի բիոպսիայի մեթոդների իրականացման լավագույն պայմանները՝

• Բարձր որակավորում ունեցող ուրոլոգ-անդրոլոգ, ով տիրապետում է ժամանակակից մեթոդներին։
• Վերջին սերնդի տեխնոլոգիաներ – ներառյալ Wallach (ԱՄՆ) միկրոսկոպը։
• Էմբրիոլոգի անմիջական մասնակցությունը, ով հետազոտում է ստացված նյութը։
• Հնարավորություն է տրվում անմիջապես կրիոկոնսերվացնել կամ օգտագործել նյութը բեղմնավորման համար։

Բիոպսիայի մեթոդները «Վիտրոմեդ»-ում

Միջմաշկային ասպիրացիոն մեթոդներ

• PESA (Percutaneous Epididymal Sperm Aspiration) – սերմի ասպիրացիա մակամորձուց ։
• TESA (Testicular Sperm Aspiration) – ամորձու հյուսվածքի ասպիրացիոն բիոպսիա։

Բաց վիրահատական մեթոդներ

• TESE (Testicular Sperm Extraction) – բիոպսիա ամորձու հյուսվածքից։
• MESA (Microsurgical Epididymal Sperm Aspiration) – միկրովիրաբուժական ասպիրացիա։

Micro-TESE – Ոչ օբստրուկտիվ ազոոսպերմիայի ոսկե ստանդարտ

• Օպտիկական միկրոսկոպի կիրառմամբ բարձր արդյունավետություն։
• Մինիմալ վնասվածք և բարձր արդյունք՝ նույնիսկ բարդ դեպքերում (~50-70%)։

Բիոպսիայից հետո

• Եթե հայտնաբերվեն սպերմատոզոիդներ, դրանք կամ կրիոկոնսերվացվում են, կամ օգտագործվում բեղմնավորման համար։
• Եթե սպերմատոզոիդներ չհայտնաբերվեն, հնարավոր է կիրառել փորձարարական ROSI մեթոդը՝ սպերմատիդների ներարկումով ձվաբջիջ։
• Վերականգնումը շատ արագ է, հիվանդները կարող են նույն օրը տուն վերադառնալ։

Եզրակացություն

«Վիտրոմեդ» կլինիկան առաջարկում է անհատական մոտեցում, բարձր արդյունավետություն, անվտանգություն և գաղտնիություն։

Մենք օգնում ենք տղամարդկանց դառնալ հայր՝ նույնիսկ բարդ դեպքերում։

Վստահեք «Վիտրոմեդ»-ի փորձառու մասնագետներին։