Արտամարմնային բեղմանվորման  հետ կապված բժշկական ռիսկերը Արտամարմնային բեղմնավորման (ԱՄԲ) բժշկական ռիսկերը կախված են բուժման փուլից և կնոջ օրգանիզմի անհատական առանձնահատկություններից:

Ձվարանների գերխթանման համախտանիշ (ՁԳՀ)
Ցիկլի խթանման փուլում առավել տարածված ռիսկերից է ձվարանների գերխթանման համախտանիշը։ Այն առաջանում է հորմոնային թերապիայի նկատմամբ ձվարանների չափազանց ուժեղ արձագանքի արդյունքում, երբ զարգանում են բազմաթիվ ֆոլիկուլներ և արյան մեջ բարձրանում է էստրոգենի մակարդակը։

• Թեթև դեպքերը կազմում են մոտ 30%։
• Միջին մակարդակով ուղեկցվում է որովայնում հեղուկի կուտակումով և որովայնային ցավերով։
• Ծանր դեպքերը (1–2%) պահանջում են հոսպիտալացում և հատուկ բուժում։

Ժամանակակից խթանման պրոտոկոլների շնորհիվ մեր կլինիկայում այս համախտանիշը գրեթե չի հանդիպում։

Ձվարանի մեծացում և ոլորում
Պունկցիայից հետո ձվարանները մնում են խոշորացած։ Հնարավոր է նաև ձվարանի ոլորում, որը ուղեկցվում է սուր ցավով և պահանջում է շտապ վիրահատական միջամտություն։

Էմբրիոնների տեղադրումից հետո ռիսկեր
Հղիությունից հետո խորհուրդ է տրվում.

• խուսափել ֆիզիկական ծանրաբեռնվածությունից,
• սեռական կյանքից զերծ մնալ առաջին երկու ամիսներին,
• ուշադիր լինել ինքնազգացողությանը։

Ձվարանների պունկցիա
Այն կատարվում է անզգայացման պայմաններում և ունի փոքր վիրահատություններին բնորոշ ռիսկեր.

• արյունահոսություն,
• բորբոքային պրոցեսներ,
• հարակից օրգանների վնասում։

Հղիություն և ծննդաբերություն ԱՄԲ-ից հետո
Բազմապտուղ հղիությունները պահանջում են հատուկ ուշադրություն։ Երկու և ավելի երեխաներ ունենալը կարող է մեծացնել վաղ ծննդաբերության, նյարդաբանական խնդիրների և նորածնային ինտենսիվ խնամքի անհրաժեշտության ռիսկերը։

Առաջին եռամսյակի ռիսկերը
Արյունային արտադրությունները կարող են վկայել վիժման կամ արտարգանդային հղիության վտանգի մասին։ Ինքնուրույն դեղորայքի դադարեցումը խիստ արգելվում է։

Գենետիկական և ուռուցքային ռիսկեր
Վերջին հետազոտությունները ցույց են տալիս, որ ԱՄԲ-ն չի մեծացնում քաղցկեղի կամ բնածին արատների ռիսկը։ Բայց ԻՔՍԻ-ի դեպքում հնարավոր է հոր գենետիկական խնդիրների փոխանցման հավանականություն։

Էմոցիոնալ և ֆինանսական կողմեր
ԱՄԲ-ն հաճախ ուղեկցվում է բարձր սթրեսով։ Հնարավոր են.

• անհանգստություն,
• դեպրեսիա,
• մենակության զգացում,
• հիասթափություն անհաջողության դեպքում։

 Կարևոր է ընտանիքի աջակցությունը և ցանկության դեպքում՝ մասնագիտացած հոգեբանի օգնությունը։