Ժամանակակից արտամարմնային բեղմնավորման (ԱՄԲ) պրոտոկոլները սովորաբար ներառում են ձվարանների խթանում բարձր դեղաչափերով հորմոնալ դեղերի միջոցով։ Սա թույլ է տալիս մեկ ցիկլում ստանալ մի քանի հասուն ձվաբջիջ, մեծացնելով հաջող բեղմնավորման և հղիության հավանականությունը։ Չնայած կանայք հորմոնալ խթանումը լավ են տանում, այն, այնուամենայնիվ, լրացուցիչ բեռ է կնոջ օրգանիզմի համար։

Սա հատկապես կարևոր է այն դեպքերում, երբ անհրաժեշտ են մի քանի ԱՄԲ փորձեր կամ խթանումը հակացուցված է բժշկական պատճառներով։ «Vitromed» կլինիկայում հնարավոր է ԱՄԲ-ի իրականացումը բնական մենստրուալ ցիկլում՝ առանց հորմոնալ խթանման։ Այս մեթոդը հայտնի է որպես «բնական ցիկլ», «փափուկ խթանում» կամ «մինիմալ խթանում», սակայն դրա էությունը նույնն է՝ ստանալ մեկ ձվաբջիջ, որը հասունացել է բնական ճանապարհով։

Ընթացակարգի ընթացքում բժիշկը հետևում է ձվազատմանը, իրականացնում պունկցիա և կատարում բեղմնավորում լաբորատոր պայմաններում։

Մեթոդի առավելությունները՝

• հորմոնալ նվազագույն միջամտություն,
• գերխթանման հետ կապված ռիսկերի բացակայություն,
• ավելի հարմարավետ ֆիզիկական և հուզական վիճակ։

 Այնուամենայնիվ, հարկ է հաշվի առնել, որ բնական ցիկլում ԱՄԲ-ի արդյունավետությունն ավելի ցածր է, քան ստանդարտ պրոտոկոլների դեպքում։ Հղիության հավանականությունը կազմում է մոտ 10–15% (դասական ԱՄԲ-ի դեպքում՝ 30–40%)։ Սա պայմանավորված է մի շարք գործոններով՝ ոչ բոլոր  ձվաբջիջները կարող են հասուն ստացվել, ոչ բոլորը հաջողվում է բեղմնավորել, ինչպես նաև չկա ավելի որակյալ էմբրիոն ընտրելու հնարավորություն։ Չնայած դրան, բնական ցիկլում ԱՄԲ-ն կարևոր այլընտրանք է այն կանանց համար, ում հորմոնալ խթանումը հակացուցված է, կամ ովքեր նախընտրում են ավելի մեղմ մոտեցում։

Մեր կլինիկայում դուք կստանաք մասնագիտական խորհրդատվություն և կարող եք ընտրել անպտղության բուժման առավել օպտիմալ մեթոդը՝ հաշվի առնելով ձեր անհատական կարիքները։