Անպտղությունը փորձություն է, որը կարող է հանգեցնել դեպրեսիայի և մեղքի զգացումների առաջացման : Սակայն անպտղության ժամանակակից բուժման մեթոդները բարձր հնարավորություններ են տալիս հասնելու հղիության և լիարժեք ապաքինման համար: 

Բժիշկ-ռեպրոդուկտոլոգները կարողանում են ճշգրիտ որոշել անպտղության պատճառները և առաջարկել անհատականացված բուժման մեթոդներ: 

Սահմանված ժամանակի ընթացքում սկսված բուժման դեպքում, մեծամասնությունը ունի հնարավորություն դառնալու ծնող:

Կանանց անպտղության բուժում

Փողային անպտղություն

Արգանդափողերի անանցանելիությունը, ինչպես իստթմիկ, այնպես էլ ամպուլյար հատվածում, կարող է վերացվել լապարոսկոպիկ միկրոխիրուրգիական վիրահատությամբ: Այս մեթոդը զգալիորեն նվազեցնում է բարդությունների ռիսկը և արագացնում վերականգնման ընթացքը, համեմատած ավանդական բաց վիրահատության (լապարոտոմիա) հետ:

Եթե արգանդափողերի վնասվածքը ծանր է կամ լապարոսկոպիան անարդյունավետ է, նախընտրելի բուժման մեթոդ է համարվում արտամարմնային բեղմնավորումը (ԱՄԲ):

Էնդոկրին անպտղություն

Բուժման առաջին փուլում պետք է կարգավորել էնդոկրին համակարգի գործառույթները: Երկրորդ փուլում կիրառվում են դեղամիջոցներ, որոնք խթանում են ֆոլիկուլի զարգացումը, և հետո դեղեր, որոնք խթանում են ձվազատումը։

Էնդոմետրիոզ

Էնդոմետրիոզը բուժվում է դեղորայքային կամ վիրաբուժական միջամտությամբ: Եթե այս մեթոդները անարդյունավետ են, առաջարկվում է արտամարմնային բեղմնավորում:

Արգանդի պաթոլոգիա

Արգանդի պաթոլոգիաների հետ կապված անպտղության բուժման հիմնական մեթոդը հիստերոսկոպիան է։ Այն ունի ախտորոշիչ (օֆիսային) և վիրաբուժական (բուժիչ) ձևեր:

Անհայտ ծագմամբ անպտղություն

Առանց բացատրության անպտղության դեպքում նախատեսվում են տարբեր բուժման տարբերակներ․

1. շարունակել փորձեր բնական ճանապարհով հղիություն ունենալու համար;

2. ներարգանդային ինսեմինացի (ՆԱՍ);

3. օվուլյացիայի խթանում՝ կլոմիֆեն ցիտրատի կիրառմամբ;

4. օվուլյացիայի խթանում՝ գոնադոտրոպինների կիրառմամբ;

5. արտամարմնային բեղմնավորում միկրոմանիպուլյացիաների և օժանդակ հեթչինգի կիրառմամբ։

Տղամարդկանց անպտղության բուժում

Տղամարդկանց անպտղության բուժումը կարող է ներառել հորմոնալ բուժում՝ սպերմատոզոիդների հասունացման համար, հակաբիոտիկների կիրառում, վիրաբուժական միջամտություն վարարիկոցելեի դեպքում, ինչպես նաև արտամարմնային բեղմնավորում (ԱՄԲ) և այլ վերարտադրողական տեխնոլոգիաներ: Տղամարդկանց անպտղության պատճառները կարող են լինել բազմազան՝ սեռական օրգանների զարգացման խանգարումներից մինչև շրջակա միջավայրի ազդեցություն: Ժամանակակից բժշկական տեխնոլոգիաները թույլ են տալիս ճշգրիտ ախտորոշել անպտղության պատճառները և ընտրել առավել արդյունավետ բուժման մեթոդ:

Անպտղության բուժման մեթոդներ

• Կոնսերվատիվ բուժում
• Ձվազատման խթանում
• Ներարգանդային ինսեմինացի (ՆԱՍ)
• Արտամարմնային Բեղմնավորում (ԱՄԲ)
• Սերմնաբջջի ներցիտոպլազմատիկ ներարկում ձվաբջիջ (ԻՔՍԻ)
• Ամորձիների բիոպսիա
• Դոնորական ձվաբջիջների կիրառում
• Դոնորական սերմի կիրառում
• Փոխնակ մայրություն
• Հիստերոսկոպիա
• Լապարոսկոպիա

Մենք անհատական մոտեցում ենք ցուցաբերում յուրաքանչյուր բուժառուի, հաշվի առնելով բժշկական, ֆինանսական, սոցիալական, կրոնական և էթիկական գործոնները, որպեսզի ընտրենք լավագույն բուժման տարբերակը յուրաքանչյուր զույգի համար: