Դոնորական սերմնահեղուկի բանկը՝ անպտղության բուժման ժամանակակից լուծում

Դոնորական սերմնահեղուկի բանկը հնարավորություն է տալիս երեխա ունենալ այն դեպքերում, երբ դա հնարավոր չէ կենսաբանական հոր միջոցով։ Այս մեթոդը կիրառվում է հետևյալ դեպքերում․

• տղամարդկանց անպտղության ծանր ձևեր, որոնք չեն ենթարկվում բուժման
• ժառանգական հիվանդությունների փոխանցման բարձր ռիսկ
• զուգընկեր չունեցող կանայք, ովքեր ցանկանում են մայրանալ

Հուսալիությունն ու անվտանգությունը՝ առաջնահերթություն

Դոնորական սերմնահեղուկը սառեցվում է (կրիոկոնսերվացիա) և պահվում է հեղուկ ազոտում առնվազն 6 ամիս՝ վարակների փոխանցման ռիսկը բացառելու համար։ Դոնորը կրկին անցնում է բոլոր անհրաժեշտ հետազոտությունները։

Հոգեբանական կողմը

Դոնորական սերմնահեղուկի կիրառման որոշումը պահանջում է գիտակցված մոտեցում և անկեղծ զրույց զուգընկերների միջև։ Ապագա երեխան գենետիկորեն կապված չի լինի տղամարդու հետ, ուստի կարևոր է նախապես քննարկել բոլոր բարոյական, հոգեբանական և սոցիալական ասպեկտները։

Ինչպես ընտրվում են դոնորները

Դոնորն ընդգրկվելուց առաջ անցնում է համալիր բժշկական ստուգում՝

• ՄԻԱՎ, սիֆիլիս, հեպատիտ B և C, սեռական ճանապարհով փոխանցվող վարակներ (գոնորեա, քլամիդիա, հերպես, ցիտոմեգալովիրուս, ուրեապլազմա, միկոպլազմա)
• Ստուգում թերապևտի, ուրոլոգի և հոգեբանի մոտ
• Խորհրդատվություն գենետիկի հետ
• Գենետիկական հետազոտություններ (կարիոտիպավորում, մուկովիսցիդոզի և AZF միկրոդելացիաների թեստեր)

Սերմնահեղուկի հանձնումից հետո նմուշը 6 ամսով պահվում է «կարանտինում», որից հետո դոնորը կրկին անցնում է վարակների ստուգում։ Միայն կրկնակի բացասական արդյունքի պարագայում սերմը կարելի է օգտագործել։

Դոնորական սերմնահեղուկի կիրառումը

Դոնորական սերմնահեղուկը կիրառվում է հետևյալ ծրագրերում՝

• Ներարգանդային սերմնավորում (IUI)
• Արտամարմնական բեղմնավորում (IVF)

Բուժման պրոտոկոլները համապատասխանում են ստանդարտ IUI կամ IVF սխեմաներին՝ պարզապես դոնորական նյութի կիրառմամբ։ Կարևոր է՝ կրիոսառեցված սերմնահեղուկի արդյունավետությունը համադրելի է «թարմ» նյութի արդյունքներին։

Ո՞վ կարող է լինել դոնոր

Դոնորները լինում են երկու տեսակի՝

• Անանուն՝ մասնագիտացված դոնորներ, որոնց տվյալները խիստ գաղտնի են
• Անհատական (հայտնի)՝ պացիենտի բարեկամներ կամ ծանոթներ

Պահանջներ դոնորների համար

• Տարիք՝ 18–35 տարեկան
• Լավ ֆիզիկական և հոգեկան առողջություն
• Ժառանգական հիվանդությունների բացակայություն
• Բարետես արտաքին

Սերմնահեղուկի որակի չափորոշիչներ

• Ծավալ՝ առնվազն 2 մլ •
• Կոնցենտրացիա՝ >80 միլիոն/ml
• Շարժունակություն՝ >60%
• Նորմալ ձևեր՝ >3%
• Բարձր կենսունակություն սառեցումից հետո (կրեոտոլերանտություն)

Դոնորի հետազոտության ծավալը

• Թերապևտի և ուրոլոգի զննում — տարեկան մեկ անգամ
• Հոգեբանի խորհրդատվություն — մեկանգամյա
• Վարակաբանական սկրինինգ (PCR/ՍՃՓՎ թեստեր) — յուրաքանչյուր 6 ամսում
• Արյան հետազոտություն՝ ՄԻԱՎ, սիֆիլիս, հեպատիտներ — յուրաքանչյուր 3 ամսում
• Գենետիկ խորհրդատվություն — մեկանգամյա
• Արյան խմբի և ռեզուս-ֆակտորի որոշում
• Ցիտոգենետիկ վերլուծություն (կարիոտիպ, AZF միկրոդելացիաներ, մուկովիսցիդոզի թեստ)

Դոնորական սերմնահեղուկի կիրառման ցուցումներ

Տղամարդկանց կողմից.

• Անպտղություն (ազոոսպերմիա, սերմնաբջիջների բացակայություն)
• Էյակուլյացիայի անհնարինություն
• Ծանր գենետիկ հիվանդություններ

Կանանց կողմից.

• Սեռական զուգընկերոջ բացակայություն
• Մայրանալու ցանկություն՝ հարաբերությունից դուրս

Հակացուցումներ

• Ծանր սոմատիկ կամ հոգեկան հիվանդություններ, որոնք խանգարում են հղիությանն ու ծննդաբերությանը
• Արգանդի արատներ՝ էմբրիոնի տեղադրումը բացառող
• Չարորակ նորագոյացություններ (նաև՝անամնեզում)
• Հորմոնալ կամ բորբոքային խանգարումներ
• Այլ բժշկական վիճակներ՝ բժշկի եզրակացությամբ

Ունե՞ք հարցեր

Մեր մասնագետները պատրաստ են խորհրդատվություն տրամադրել ծրագրի բոլոր ասպեկտների վերաբերյալ։